Bjørn Hatterud kom nyleg med boka «Far levde, og så var han død» , med undertittel «Ei bok om traktormekanikk, heimebrenning og umåla furu». Hatterud er kulturskribent, kunstkritikar, kurator, musikar og altså forfattar. Mange har lagt merke til dei tidlegare bøkene hans på Samlaget, «Mot normalt», som kom i 2018, «Mjøsa rundt med mor» frå 2020 og «Blokka på Bjerke» frå 2023, og han har fått fleire prisar for forfattarskapen. I den nye boka er det faren hans som står i fokus. På bokkvelden 4. november vil han snakke om boka i samtale med forlagsredaktør Cecilie Seiness.
Det er gratis inngang og ope for alle. Høve til bokkjøp i Norli Bokhandel.
Arrangørar er Samlagsrota og Bondeungdomslaget i Oslo.
