Lenge før nokon snakka om globalisering, skreiv Kjartan Fløgstad romanar om det. Lenge før kulturkampen og Frp skreiv han om elitens forakt for folkekulturen. I den seinaste boka si, Grense Jakobselv, spør Fløgstad om humanisme og danning kan berga deg frå noko som helst. Svaret han gir, er nei.

Me vil bruka denne kvelden til å setja fokus på forfattarskapen til Fløgstad. Kritikar Tom Egil Hverven vil freista å svare på kva som kjenneteiknar han og å setja bøkene i perspektiv. Så stiller forfattaren sjølv til samtale med Aslak Sira Myhre, og om me er heldige, les han noko for oss til slutt.